"Исчезната"-Тес Геритсен

Една мртва, безимена жена е донесена во мртовечницата на докторката Мора Ајлс. Тоа е само уште едно тело сѐ до моментот кога докторката забележува дека трупот ги отвора очите. Жената воскреснува, сета исплашена и збунета и итно е префрлена во болница. Но, таа таму го убива работникот од обезбедувањето и зема заложници, од кои една е бремена, детективката Џејн Рицоли, која само што не се породила.
Додека напнатите часови изминуваат, доктор Ајлс заедно со сопругот на Џејн, агентот на ФБИ, Габриел Дин, се обидува да го открие идентитетот на убиецот. Овој случај е многу посложен од обичното заложништво, а Џејн е единствената која ги држи клучевите на мистеријата и е заробена со вооружена лудачка.

Сите овие три жени се заглавени во опасна ситуација. Но која е оваа насилна, очајна душа и што навистина сака таа може да откриете во овој несекојдневен, напнат, воодушевувачки трилер.